وجهت الفنانة ماجدة الرومي رسالة لاهل الاردن وجمهورها ومحبيها هناك وقالت:

"برجع بلتقيكم وبقلبي فرح كبير وذكريات كتير .. وبروحي شكر عميق على الأمن والسلام اللي لقيت فيهن الأردن العزيز ..الله يديمها عليكم نعمة .. على قد شوقي لشوف وجوهكم الحبيبة شوقي إني أغني لإلكم ومعكم .. وبحب ارحب فيكم فردا فردا خاصة إللي جايين من الدول القريبة وبنوع خاص إللي جايين من الأرض المقدسة ... بعرف انكم اتحملتو مشقة الطريق منشاني.. وأنا بشكركم من نص قلبي بتشكركم ... وبسألكم بربنا تقولوا لفلسطين عني .. قولو لها.. قولو لها .. بعاد عنا متر أو أمتار ... أو عمر أو أعمار .. تنطرنا إحنا جايين ... ياإخوتي أنا ماشفت مرة بالتاريخ إحتلال بلع بلد أو قتلو .. بيقدر يصادرو بس .. ونحنا هاي الأرض إلنا وناطرين وراجعين .. ونحنا شهداء فلسطين إلنا .. ودمهم له علينا حق .. ودمهم مقدس في قلوبنا ونحن راجعين ...وبنامن انه راجعين لأنه بنامن بعدالة الله انتو قضية حق والله معكم مهما طال الزمن فلسطين انطرينا جايين"..
 
واضافت: "الفرقة الموسيقية بتصاحبني اليوم بقيادة ايلي العليا والسهرة هذه راح تكون على مدى ساعتين من الوقت بدون توقف بتأمل تكون عند حسن ظنكم وشكرا لحضوركم ...كان مستحيل علي ابتدا هالحفلة وافرح معكم ونترك الهم شوي على مدى ساعتين بدون ما احيي شهداء العالم العربي كله ... بنكمل الطريق واطفال سوريا والعراق بالقلب والناس اللي ماتو مجانا بالقلب... على امتداد الارض العربية من غزة لببروت للعراق لكل المطارح العربية ..أنا بدي اسألكم انكم تقبلوا مني هالقصيدة اللي راح اغنيها الان للشهداء بمثابة وعد مقدس انه هالدم محفوظ بقلوبنا واحنا مش متنازلين عنه ...