فيديو كليب جديد-غناء عابدين الكراسي
 
وين ما تروحي يا كرسي مكلبش فيكي بأسناني ودِرسي
لأنها عرضت أكتافي وسمن كرشي
أنا من جنبك مش ممكن أمشي
لو قلعوا عيني ونتفوا رمشي
أنا الملك والكرسي عرشي
الكرسي بنزل دولارات
ومن عرق جبيني بجيب قرشي
لفصل للكرسي مخدة مع فرشة
من هذا باخذ ومن هذا برشي
الأسنان مش نظيفة لأنه ما بفرشي
اللحم معلق على الأسنان
من كثر ما حطوا على ذمتهن في هالكرشة
******
خطابات فارغة
خطابات يخطبون كي نصفق لهم
يتحمسون عند اقتراب الانتخابات
حتى الكرسي لا يتزحزح من تحت قفاهن
والشعب معاشه يا دوب يوصل ربع الشهر
أسأل الشعب لماذا يصفق على خيبة الأمل
أوباما في ايدك غصن الزيتون
وعكفك رافع سلام
أوباما لابس قناع
نتنياهو لابس البيجاما
كلينتون نام وأوباما قام
أبو مازن أبو اليتامى
نتنياهو تعشى أبو مازن صام
ليه قتلتوا غصن الزيتون
يلا يلا ضبوا القمامة
****************
 
أوباما حامل سيوفو كل يوم بعزم ضيوفو
بقول تعالوا شوفوا السلام استوت قطوفة
أوباما عامل عزومة يا هيلاري يلا قومي
أبو مازن جاي ركاض طفح الصبر وصبرو فاض
إذا في يوم الديك باض بصير للفلسطيني حكومة
يا هلاري يلا قومي وإنت يا سارة معزومة
أوباما حاشي خروف
نتنياهو جايب لحمة مفرومة
أبو مازن جايب راس ملفوف
قال خايفين من ايران من ضربة مجنونة
 
*****
لكتب على كف البشر أبو مازن سافر نطر
نتنياهو دخلك عود
بكفي كذب ودجل
أبو مازن في المؤتمر ونتنياهو في المختبر
 
 
بقلم ملكة شاهين- شفاعمرو